هادا قالب زوين...
تقدر تربح بيه من 500 حتال 5000 درهم زايدة فالشهر (نتا و شطارتك)
أو نزيدك,
ماغاديش تحتاج لراس المال باش تبدا,
أو ماشي ضروري تكون قاري القانون أولا عندك ديبلوم,
غادي يخصك تيليفون و كونكسيون إنترنيت...
أو هانتا خدام!
شكون لي يقدر يبدا هاد المشروع؟
الطلبة أو الموظفين لي باغيين مدخول إظافي شهري بلاما يفرطو فالدراسة أولا فالخدمة ديالهم!
شناهو هاد كاتب عمومي أونلاين؟
كاتب عمومي أونلاين هو واحد السيد لي كيقاد للناس وثائق إدارية بحال عقد كراء، طلبات، شكايات، سير ذاتية، أو زيد أو زيد...
على فكرة, ماشي ضروري تكون قاري القانون أولا كاتفهم فالوثائق الإدارية باش تبدا هاد المشروع... الحمد لله على نعمة ChatGPT
ولكن هاد السيد غادي يزيد يسهل على الناس المأمورية,
يعني عوض ماتمشي لعند كاتب عمومي حتال لمكتب ديالو...
تقدر تواصل معايا فالواتساب أو تقول ليا أشمن وثيقة بغيتي,
أو أنا غادي نقادها أو نصيفطها ليك فالواتساب فورما PDF فأقل من 10 دقايق!
شحال تقدر تربح من هاد المشروع؟
خدمتك هي تقاد وثائق إدارية (بمساعدة ChatGPT) باش من بعد تبيعها بثمن جد معقول للمغاربة:
- عقود الكراء، تصاريح الشرف، شكايات... كيتباعو بـ 30 حتال 150 درهم للواحد.
- إيلا خدمتي غير 3 ديال الوثائق فالنهار، بمتوسط 60 درهم لوثيقة = 180 درهم/اليوم × 26 يوم = 4,680 درهم فالشهر!
- إيلا طورتي شوية التسويق ديالك وخدمتي مع محامين، مقاولين، وسطاء عقاريين... تقدر توصلها لـ 6,000 حتال 10,000 درهم شهرياً.
4,680 درهم فالشهر هو رقم عادي جداً, حيتاش غادي تعامل مع الناس فالمغرب كامل أو لأنك غادي تحتاج تبيع غير 3 ديال الوثائق فالنهار!
أو الواعرة هي الوقت كلو ديالك...
تقدر تحكم فيه كيفما بغيتي!
واش فعلاً كاين الطلب على هاد الخدمة فالمغرب؟
الطلب على هاد السيرفيس فالمغرب كاين أو بزايد...
أنا من الناس لي كايآمنو بالأرقام,
حيتاش بنادم يقدر يكذب,
الأرقام ماكاتكذبش!
على سبيل المثال :
من ألف حتال 10 ألاف مغربي كل شهر كايقلبو فـ Google على "عقد كراء"
نزيدك...
من ألف حتال 10 ألاف مغربي كل شهر كايقلبو فـ Google على "سيرة ذاتية"
نزيدك؟
نفس شي بالنسبة لـ"تصريح بالشرف"...
نزيدك؟
لا صافي, الله يجعل شي بركة!
المغاربة كيعانيو مع البيروقراطية وصياغة الوثائق, أو بزاف ما عندوش الوقت، ضروري غيحتاجو شي واحد لي يخدم معاهم غير من الواتساب بلا ما يمشيو للمكاتب!
هنا فين كايجي الدور ديالك.
أجي بعدا, واش هادشي قانوني؟
نعم، الخدمة قانونية 100% إلا لتزمتي بهاد الحدود :
✅ شنو كدير؟
- كتقدم خدمة "صياغة" و"تحرير" وثائق بطلب من الزبون.
- كتستعمل نماذج جاهزة، وكاتقاد الوثيقة بناءً على المعطيات اللي كيقدمها ليك الكليان.
🚫 شنو ما خاصكش دير؟
- ماتقولش أنك محامي أو خبير قانوني.
- ماتستعملش مصطلحات بحال: "نقدّم استشارات قانونية"
كيفاش غيدوز نهارك فهاد المشروع؟
كتبدا مع ديك 10 ديال الصباح،
كتحل لـ What'sApp ديالك,
غادي تلقا Des Messages جاوك من عند ناس لي بغاو إقادو شي وثيقة,
سوّل بعض الأسئلة باش تجمع المعطيات لي غادي تخصّك باش تقاد هاد الوثيقة,
قاد لـ Prompt لي غادي تعطي لـ ChatGPT,
من بعد غادي تـ Modifier لمحتوى ديال النموذج ديال الوثيقة,
باش تحولها لفورما PDF باش تصيفطها للكليان مع الفاتورة!
بالي قبل لا يسالي!
علاش؟
حيتاش السوق مازال فالبدايات ديالو...
تقدر تصاوب لـ Brand ديالك على خاطرك,
أو تخدم بثمن لي غادي يخلي ليك الرباح!
أو حيتاش ماغادي تحتاج لا راس المال باش تبدا,
لا تكون قاري القانون,
ماكاين لا مكتب, لا PC , لا طابعة, لا سكانير...
لا يديك, لا يخليك!
غير من تلفونك أو خدام فالمغرب كامل.
مزيانة؟!
بصفة عامة,
كاين 2 أنواع ديال بنادم:
النوع اللول, غادي يقرا هاد القالب أو غادي يمشي يجربو...
إلا خدم ليه, بِها ونعمت, مزيانة!
هادشي لي بغينا,
إلا ماخدمش ليه لسبب من الأسباب, عطا الله لقوالب!
أرا لاخور...
هاد النوع غادي يطيح على قالبو,
طال لعمر أولا قصار!
النوع الثاني معروف,
بكثرة الخوف,
أو لـ Critique لي ماكايبرد الجوف...
هادا غادي يخصو سبع مواج,
أو شوف تشوف!
سؤال / جواب:
كيفاش نبني المصداقية باش الناس يتواصلو معايا؟
هنا كنلعبو على ما يُعرف بـ Trust Builders. ماشي ضروري تكون مشهور ولا عندك دبلومات، ولكن خاصك تخلق إحساس بالثقة والمهنية.
واش خاصني نكون قاري القانون باش نولي كاتب عمومي أونلاين؟
لا. هاد الخدمة ماشي محاماة، ولكن صياغة ديال وثائق بسيطة، كتعتمد على نماذج و Prompts ديال ChatGPT موجودة!
واش قانوني نخدم بهاذ الطريقة؟
ما دام ما كتقدّمش إستشارة قانونية متخصصة، وما كتدعيش أنك محامي أو خبير قانوني، فأنت كتشتغل كـ “خدمة صياغة وثائق مكتوبة بطلب من الزبون” وهذا قانوني تماماً فالمغرب.
واش غادي يخصني PC؟
لا. تقدر دير كلشي من التليفون: كتابة، مراسلة، توليد الوثائق. ولكن إلا كان عندك PC، مزيان, غادي يسهل عليك المأمورية.
كيفاش نعرف شنو ندير لكل زبون؟
غادي تسول بعض الأسئلة : نوع الوثيقة، المعطيات، الأطراف…، دخلهم فالـ Prompt ، و ChatGPT غادي يصايب ليك الوثيقة ديالك.
واش ضروري ندير إشهار باش نجيب الكليان؟
ماشي ضروري, ولكن التسويق غادي يسرّع العملية. تقدر تبدا مع المعارف، الجيران، Marketplace ديال فايسبوك، من بعد مافيها باس طلق الإشهارات باش تجيب الكليان بزايد.
واش ممكن نبني منها بزنس طويل الأمد؟
طبعاً. تقدر تبدا صغير، ومن بعد وسّع الخدمة ديالك، دير صفحة، موقع، خدم مع محامين، حتى دير مكتب أو وكالة ديال الوثائق.
شنو الفرق بيني وبين أي واحد كيستعمل ChatGPT؟
الفرق هو أنك خدام بمنهج واضح، بأسئلة مدروسة، وبأسلوب محترف.
أغلب الناس ما كيعرفوش كيفاش يتعاملو مع ChatGPT.
أنت كتبيع “الخدمة + الوقت + الوثيقة النهائية”، ماشي غير مجرد إستعمال الذكاء الإصطناعي…
واش هاد الخدمة ممكن نخدم بها مع الناس اللي فالخارج؟
نعم! بزاف ديال الجالية المغربية كيقلبو على عقود، تصاريح، شكايات يبعثوها للمغرب.
وتقدر ترسل ليهم الوثائق PDF، وياخدوها يطبعوها عندهم.
واش يمكني ندمج هاد الخدمة مع خدمات أخرى؟
أكيد. تقدر تدمجها مع:
خدمات كتابة السيرة الذاتية
الترجمة
التوثيق
خدمات قانونية بشراكة مع محامين
أو حتى توليد محتوى إداري ومهني للشركات الصغيرة
Méthode de paiement ?
ila kano les montants qel men 100Dh, Ahssen Mode de paiment howa CashPlus, Sinon Par Virement Bancaire
تحياتي القالب 😍😎
Merhba bik si soufian
بغيت نستافد
هادا هادا قالب زوين